كل سنة وانتم طيبين بمناسبة عيد القيامة

النهاردة هاحكيلم حكاية جميلة ، هاتنبسطوا منها خالص
... ركزوا معايا ... أحنا دلوقتى فى ليبيا ... فين ؟ ... فى ليبيا ... فى
قرية صغيرة فى وسط الصحرة ... شايفين النخل و الخيام ؟ .... أكيد واضح
أننا فى وسط الصحرة .... البلد دى كلها مسلمين ، و عمرهم فى حياتهم ما
شافوا واحد مش مسلم .... و الحكومة الليبية زى ما هيا متعودة بتتعاقد مع
طبيب مصرى كل سنة يقعد فى القرية دى علشان يعالج الناس ، لأن القرية دى
مافيهاش دكاترة ليبيين ... طبعا الموضوع دة عادى و أهل القرية متعودين على
كدة ، لكن المرادى طلعت أشاعة زلزلت البلد كلها ... الدكتور السنادى قبطى
!! ... الدكتور مسيحى !! ... يلا يا محمد و أنت يا حسين ، هاتوا على و
مصطفى معاكم و تعالوا نشوف أية حكاية الدكتور القبطى دى !! ... طلعت البلد
كلها ، رجالة و ستات و عيال ... حتى العواجيز اللى مش بيقدروا يتحركوا
ضغطوا على نفسهم و اتسندوا على أحفادهم الصغيرين و طلعوا كلهم على أول
البلد يستنوا الدكتور القبطى .... طبعا أنتم ضميركم وحش و أفتكرتم أنهم
طالعين يضربوة ؟ مش بقولكم ضميركم وحش ؟ .... عايزين تعرفوا لية ضميركم
وحش ؟ يبقى تكملوا الحكاية .... أول ما شافوا عربية الدكتور وصلت القرية
وقفوها و نزلوا الدكتور .... حاسب الدم يابنى ... لا لا ماتخافوش ، القصة
دى مافيهاش دم ... أمال عملوا أية ؟ ... ما أنا جاى فى الكلام ، بس ما
تقاطعونيش .... الناس أبتدوا يحطوا أيديهم على راسة و على جسمة و على وشة
و عينية .... أتارى الناس علشان مشافوش واحد مش مسلم فى حياتهم كانوا
متخيلين أن اللى مش مسلم دة فية حاجة مختلفة عنهم ... مكانوش متخيلين أن
المسيحى دة عندة أيدين و رجلين زيهم و أنة مايختلفش عنهم فى أى حاجة
طبعا ضحكتم على قصة ليبيا .... زمانكم دلوقتى بتتريقوا على البدو المتخلفين اللى عايشين جوا القمقم و عمرهم ما شافوا حد مختلف عنهم

صحيح احنا مجهولين كيد
ميرسي علي الموضوع الجميل
ربنا يبارك حياتك

شكراااااااااااا ليك على الموضوع الجميل

ربنا يعوض تعبك

موضوع جميل ربنا يبارك خدمتك

موضوع جميل الله يبارك حياتك انا بقول يجب علينا كمسيحيين ان نصلي لاجلهم ونصلي لاجل كل الناس المصابة بلعمى حتى الله يفتح عيونهم امين

» كل سنه وانتم طيبين بمناسبة عيد النيروز (رأس السنة القبطية)
» كل سنة وانت طيبين
» كل سنه وانتم طيبين
» سنه حب كامله مع يسوع كل سنه وانتم طيبين
» +++ كل سنة وانتم طيبين با مناسبة صيام العذراء ام النور +++