سخافات معاكسة الشباب للبنات

]سخافات معاكسة الشباب للبنات

طبعا مافيش بنت فيكي يا مصر إلا وتعاني من المعاكسات المستفزة والسخيفة اللي بجد
تحرق الدم ومافيش حاجة اسمها معاكسة لطيفة ومعاكسة سخيفة المعاكسة معاكسة
وهي بكل أنواعها وصورها اعتداء على استقلالية وخصوصية الآخر . . طبعا في أولاد
دلوقتي هيقولوا ما هو فيه برضه بنات بتعاكس الشباب . . حنقول . . حتى لو فيه ماهي
برضه من ضمن قلة الأدب
المعاكسة ظاهرة قديمة لكن تطورت بتطور العمر اللي إحنا عايشينه . . ده طبعا بسبب
الهاي تك ، اللي بتحاصرنا في كل ناحية يعني ممكن تلاقي رسائل على الموبايل أو رنات
أو حتى مكالمات وكمان ممكن تلاقي شباب يعمل إنه بيلعب في الموبايل لكن بقصد
تصوير البنات .. وطبعا فيه معاكسات بكلكسات السيارات والمساحة والنور .. فعلا حاجة
غريبة وسخيفة وساقطه في مجتمعنا اللي عاش ينادي بالعادات والتقاليد اللي غابت عن عقول شبابنا .. طبعا لازم نقول إن فيه قانون بيجرم المعاكسات يعني على حسب طبيعة
المعاكسة .
المعاكسات كمان بتفرق حسب طبيعة المكان بحكم البيئة والتركيبة الاجتماعية يعني
ممكن تلاحظ أنه في الأماكن الشعبية يعاكس الشباب البنات ب " بس بس انت يا " أو "
بصراحة أحلى واحدة اللي لابسه جزمة حمرا" وهكذا .
وممكن نلاقي في الأماكن الهاي شوية من ناحية الفلوس يعني مش من ناحية السلوك ..
البنت بتتعاكس بكلام مباشر أو يتريقوا على ملبسها وممكن كمان ينزل الشاب من عربيته
ويمشي بجانب البنت ويفتح أي حوار وكأنه فعلا عارف البنت
أو يقول رقم موبايله بصوت عال أو يحاول يفهمها أنه مش بيعاكس ويسأل على عنوان معين وكلها حجج مصطنعة لمحاولة مضايقة البنات وخلاص .. طبعا دلوقتي كمان ممكن تلاقي رسالة إعجاب على الموبايل أو رسالة تهديد وطبعا مرسلة من على النت علشان ما
نعرفش مين اللي باعت . . أو تصوير البنات وهما قاعدين في كافيه من الموبايلات وطبعا
يتباهى البيه إنهن صحباته والأنتيم كمان

* رأي البنات
بنكره المعاكسات موت وبنكره أكتر الرأي
اللي بيقول البنات تحب تتعاكس يعني هي البنت هتعرف قيمة نفسها من كلام واحد
فاضي واقف على ناصية أو بيلف شوية بعربيته ، كلام صعب طبعا وبعدين اشمعنى
ارتبطت ظاهرة المعاكسات بشباب مصر . . يمكن لأنه محبط أو معندوش وقت يشغله
وكمان يمكن لأنه مش عارف يرتبط ويستقر .
وكمان مرتباتنا بنصرفها في تاكسيات المخصوص
علشان نرحم نفسينا من شباب النواصي وبعدين احنا مش عارفة البوليس فين منهم وفين
سيارات الدورية الراكبة ماهو كل ده برضه ممكن يضمن سلامة البنات في الشارع .
الفراغ يعمل أكتر من كده وبعدين المعاكسات دي نوع من أنواع البجاحة والتعدي على حرية الآخرين والتطاول عليهم فعلا عايزين قانون يغلظ من عقوبة المعاكسات التي
انتشرت مفزع داخل شوارعنا .

* رأي الشباب
طبعا الشباب لازم يبرر المعاكسة ويرمي بالغلط على البنات وملبسهم يعني معنى كده إن
المحجبات معصومات من المعاكسة نشوف .
الحوار
طبعا ملبس البنت يستفزنا
قلتله الملبس ده حرية شخصية
قال : لا البنات اللي بتلبس ملبس خارج عايزة تتعاكس فخلاص خليها تتعاكس .

أنا شخصيا ضد المعاكسات . . يعني ايه أعاكس بنت بسبب مظهرها . .أعتقد إنه تعد على حرية الآخرين

ياريت كل الشباب يدخلوا ويقوله رايهم ؟ وليه بيعاكسوا بس بصراحه

اللى بيعاكس ده
لو تخيل اخته فى نفس الموقف يجوز

ميبصش عليها اساسا

و على فكره
فى بنات طريقتها فى الملابس بتقول عكسونى

بصو انا عامله ايه فى نفسى
البنت لو لبسه محترم و ماشيها فى الشارع محترمه محدش يبصلها
بس البنات على راى اقداسه البابا شنوده

كل ما يكلموهم
بيزيدو

هو زى ما انت بتقول يابو البنات بس بردو ايه الاستفادة من معاكسة البنت او عدم المعاكسة

باردو مش حاجة حلوة ان الشاب يقف يعاكس

مهما ان كانت البنت دى لبسة لبس او عاملة حاجة تشد الشاب ليها

مش عارف هو ايه اللى بيحصلنا
كان زمان اللبس اوحش من كده ومكنش فيه كل المشاكل دى

علي فكرة الشباب ديه
مش بتشوف بس البنت اللي لبسه لبس مش كويس
لا بتعاكس وخلاص اه بتختلف نوع المعاكسة بس يعني لانها بتبان محترمة
بس بجد شئ رخم جدااااااااااااااااا
وانا بجد بكرة الموضوع ده اووووووووووووووووووي
مفيش بنت محترمة تحب تتعاكس
ميرسي علي المناقشة الجميل
موضوع مهم

شكرااااااااااااا على مروريك الجميل

بجد موضوع جميل
ويستاهل المنقشة
انا مع ابو البنات
فى بنات بلبسها بتجبر اللى قدمها انى يعاكسها
اما لو البنت لبسا محترم
ففى نوع تانى من الشباب
الشباب اللى بتبقا نزلة من بتها حطين فى دمغهم المعاكسة
فا اى بنت بيشفوها قدمهم
بيبتدو يرخمو

واغلبيتهم عندهم اخوات بنات
بس بيطلعو مبررات لئنى اتناقشت مع ناس كتير
لما تقول لواحد انت عندك اخوات بنات
الرد
لا انا اختى محترمة مش زى دى
انا اختى متقدرش تخرج مع حد
ميعرف انى زى ما هيعمل
هيتعمل فى اقرب الناس لية

شكرا على اهتمامك وعوزين فعلاااا

مناقشة الموضوع ده علشان فعلا

موضوع محتاج المناقشة

» سخافات معاكسة الشباب للبنات
» سؤال للشباب وسؤال للبنات؟??
» سؤال بس للبنات الجريئة بس جااااااااامد جداااا
» الشباب ومخاطر الخمور
» باديهات صيفى للبنات