بتروح الكنيسة ولا بتروح الكنيسة !!!

انا هتكلم كلمتين ومش عايز لماضة ,,
كنت عايز اسألك الاول انت بتيجي الكنيسة؟؟؟

ايوة طبعا بتيجي الكنيسة مش كده
طيب يا ( ابن الكنيسة ) ,,,,,,,
انت بتيجي ليه صدقني موش هوجع دماغك,, بس م الاخر كدة كنت عايز اوجهلك سؤال,,!!
( ( هل انت حاسس انك شبعان وانت جوة الكنيسة ))

السؤال دة ليا انا قبل مايكون ليك ,, بس انت عارف !!
انا بحب افكر بصوت عالي واخليك انت كمان تفكر معايا يمكن نوصل لحل ,,
هاااااا جااوب ,, هل انت شبعان من ربنا وحاسس انك عايش فحضنه
ومش ناقصك حاجة وانت معاه؟؟؟؟

يعني بتيجي الكنيسة كل يوم جمعة – نشكر ربنا – وبتتناول وبتخدم لو كنت خادم وبتحضر مدارس احد او اجتماعات لو كنت مخدوم
طيب يا صاحبي,,,,,,,,, وسط كل دة شبعان بربنا ولا لأ

,,خلاص من غير ماتجاوب بصوت عالي ,, انا عرفت اللي فدماغك,,
عرفت انك زيي وزي كتير مننا ,, يعني بتيجي الكنيسة ومش بتفوت جمعة,, ورغم كدة وللأسف حاسس انك مش شبعان بربنا ,,!!
طيب تحب تعرف الاجابة تحب تعرف ليه بس اسمحلي نتكلم بصراحة,,

عامـــــــــــة لو عايز تعرف الاجابة ممكن تلاقيها موجودة وسط الكلام اللي هتقراه حالا :-

*ممكن
يكون التهاون بأهمية القداس سبب اساسي,, يعني ممكن تكون جاي تحضر القداس
وتتناول وكل حاجة لكن مش فدماغك يعني انك تحضرو من اولو- مع انه
قــــــــــال : " بكروا اليا تجدونني "
لكن انت وقت مابتيجي بتدخل تتناول ودة من جواك بيديك احساس بالتهاون بقدسية القداس ووجود ربنا فيه,,
ومرة على مرة بيبقا اسمو – بعيد عنك – استخفاف بالقداس

*
ممكن تكون اصلا مش جاي تقابل ربنا,, يعني جاي تقابل الشلة اولا وبعدين
ربنا بعد كدة او ف الاخر او مش مهم ربنا خالص,,,,المهم اصدقائك الصدوقين
واللي مبتشوفهمش غير اليوم دة واللي لما بتقعد معاه وم مش بتبطلو ضحك
وهزار ودة عندك اهم من ربنا!!
اسف لو كنت بجرحك لكن احنا اتفقنا نتكلم بصراحة.

*ممكن
تكون جاي تشوف حد عزيز على قلبك(وانت فاهم طبعا) وللأسف بتكون فاكر ان
المكان دة ينفع انكو تتقابلو فيه ,, وممكن كمان لو الشخص دة مجاش انت
متجيش الكنيسة ,, وطبعا ربنا ملوش مكان ف الوقت دة للأسف.

*ممكن
تكون جاي تستعرض يعني مثلا اخر طقم شيك عندك ,, عربيتك الجديدة,,كدة
يعني,,وساعتها بيكون همك مين لابس ايه وجايبو من فابلوس ولا من اميجو ولا
ايه
وللأسف بيكون دة محور اهتمامك وبكدة بيبقا ربنا ملهوش اي اهمية عندك للأسف الشديد.

*ممكن
تكون جاي القداس من أولو وواقف فأول صف وممكن كمان تكون لابس شماس,, لكن
مش علشان انت بتحب ربنا,,,,,,!! وزملائك وهنا بيبقا اهم حاجة عندك نفسك
وكبريائك وافتخارك بذاتك مع ان كل دة كان هيبقا كويس لو نابع من حبك لربنا
.

*ممكن تكون جاي علشان تنتقد الاخرين وتقول فولان محضرش
القداس وفولان جه متأخر وفولانة واقفة بتتكلم ف القداس,,وفولان دة طريقتو
ف الخدمة غلط وعلان دة بيجي متأخر علطول,,وفولان عامل الخدمة لحسابو ,,
ودة كويس ودة وحش,,مع انو قال لاتدينو كي لا تدانو,, يعني المفروض تخليك فنفسك..

*ممكن
تكون حاسس من جواك انك جاي غصب عنك يعني كأن القداس والتناول دة فرض مثلا
او واجب تقيل على قلبك و, وممكن تكون بتنفذوا على مضض أو غصب عنك ,, او
حاسس انك جوة الكنيسة دي عبد عند ربنا مش ابن !
** عامـــــــــــــــــة انا حبيت الاقي معاك اجابة للسؤال اللي بيزن جوة دماغي ودماغك
لا ممكن تكون من جواك بتستعرض ادام اصحابك انا ليه مش شبعان جوة كنيستي,, رغم اني من ولاد الكنيسة وعايش فحضن ربنا ))؟؟؟؟؟؟

وممكن تكون لقيت الاجابة عن السؤال دة وسط كلامي ,, وممكن أوي تكون لسة ملقتش الاجابة,,
المهم دلوقتي ان الموضوع نفسه بقا فدماغك ,, والاهم انك تعرف ان لازم ربنا يكون عندك أولا ,,
صدقني لازم يبقا ليه اولوية فحياتك ,,,

و متزعلش لو كنت اتكلمت معاك بصراحة ,, لكن متزعلش هي دايما كدة الحقيقة بتوجع........

((( منقوووووول للأمانة

بجد موضوع جامد يا روما عندك حق بجد السؤال ده مهم جدا ولازم نجاوب عليه
ميرسىىىىىىىى جدا على هذا الموضوع الجميل
ربنا يبارك حياتك

ميرسي يا روما موضوع رائع تسلم ايديكي يا رب

ميرسي علي مرورك الجميل يا مرمر

ميرسي يا مارييت علي مرورك الجميل
ربنا يعوض تعب محبتكم كتيييييير

موضوع جميل ربنا يبارك حياتيك

ميرسي علي مرورك الجميل
ربنا يبارك خدمتك

اسف على التاخير فى الرد
موضوع جميل جدا
ربنايعوض تعبك

ميرسي ربنا يعوضك

» أنا مش رايح الكنيسة تانى!!
» لابد من بناء الكنيسة والغاء المادة 2 و و و و نرجو المشاركة
» أنامش هاروح الكنيسة تانى
» الكنيسة:الموضوع الحاضر _ الغائب
» موضوعنا اليوم عن الحشمة لشعب الكنيسة