اول معجزة للشهيد ابانوب كمال

اول معجزة للشهيد ابانوب كمال


روى هذه القصة احد الاشخاص يقول
الحقيقة النهاردة هاحكى لكم عن معجزة كبيرة جدا عملها معايا الشهيد ابانوب الجديد وده الاسم اللى سميتوه لحبيبى ابانوب اللى استشهد فى نجع حمادى وعلى فكرة انا من اول ما شفت صورته من اول يوم حبيته زى ابنى ربنا يعزى اهله
المهم انا هنا فى امريكا وعندى مطعم والايكونوميك مش كويس وصعب اوى والمبيعات قليلة اوى وطبعا هنا ده صعب اوى علشان الالتزامات اللى بالالاف اللى لازم تدفع كل شهر المهم امبارح السبت لغاية الساعة 12 ونص مكانش فيه ولا زبون والمفروض عندنا ان من قبل الساعة 11 يجى زباين علشان ده اسمه وقت الغدا وهو ده اهم وقت ممكن نعمل فيه مبيعات فتحت الايميل وشفت صورة حبيبى ابانوب وبصيت عليه اوى انا ومراتى وقلت لها شايفه كان جميل ازاى يا بخته دلوقتى هو شهيد واخد اكاليل عند ربنا وكلمته فى الصورة وقلت له يا ابانوب الجديد يا صعيدى يا شهيد الرب القدوس يا قديس اشفع فيا علشان ربنا يرزقتا وفعلا يدوب قلت الكلمتين دول ولاقيت الكاستومرز جاهم وحققنا فى اليوم ده اكبر ايراد حصل خلال شهرين تقريبا
ياه صحيح شهداء نجع حمادى دول قديسين وطلبت منه هو واخواته اللى استشهدوا معاه يتشفعوا فينا ويطلبوا عنا قدام ربنا على فكره انا بحبهم كلهم بس ابانوب عندى حاجه تانى خالص
ربنا يعزى كل الاهالى اللى اولادهم استشهدوا ويا بختهم استحقوا يموتوا على اسم المسيح واهلهم بقى ليهم شفعاء كبار اوى عند ربنا

معجزة جميلة يا بيشوي ربنا يعوضك
وبركة شفاعة ابانوب القديم وابانوب الجديد تكون معانا امين

شكرا ليكى يا مريم ربنا يبارك حياتك

ميرسي قوي ابن الانبا بيشوي على هذا الخبر الجميل يا رب كل الشهداء اللي بارض مصر يمطروا بصلواتهم على مصر وعلى كل الارض ويا رب يحل السلام في الشرق الاوسط بشفاعتهم يا رب امين

يا بختهم كنت اتمنى اكون معاهم

ميرسىىىىىىى يا بيشوى على المعجزة الجميلة
بركته الشهيد ابانوب الصعيدى تكون معانا امين

شكرا لمروركم الجميل كلم بركة الشهيد معانا

معجزة جميلة اوووووووووووووووووى
ربنا يعوض تعب محبتك

شكرا ليك على المعجزة . ودة نفس الاحساس اللى جالى لما شفت ابانوب حسيت انة اخويا وفعلا اتمنيت انى اكون معاهم شفاعتهم تكون معانا

شكرا لمرورك يابن الضال وشكرا يا رنيا

شكراليك ياابن الانبا بيشوى معجزه جميله بجد انتا بتقول انها اول معجزه وان شاء الله مش هتكون الاخيره وبركت صلواته تكون معانا امين

شكرا لمرورك يا باسم وربنا معاك