كيكه سهله جدا

1/3 1 كأوب زيت
2 كوب سكر
1/2 1 كوب حليب
3 كوب طحين
وتضيفين لكل كوب طحين ملعقه متوسطه بينج باود
6 بيض

الطريقه:


يضرب السكر والزيت اولا
ثم نضع البيض ونستمر بالضرب
ثم نضع الحليب نصف الكاس ثم نضع الطحين
وهكذا حتى نهايه المقدار (يعني مره حليب ومره طحين)
ثم نجهز صينيه مدهونه ومرشوشه بالطحين
ثم نضع 3/4 المقدار في الصينيه
والثلث الباقي نضع عليه ملعقه بودره كاكاو
ونحاول ان نعمل حلقه بخليط الكاكاو بالوسط
ثم توضع في الفرن واتقصرين النار لأأأأأأأأأأأأأأأأأأأأأأأخررررر رررر شي
يعني النار تكون واطيه واتركيها (والا اقولك انسيها )لمده ساعه ونصف
وديري بالك تفتحين عنها الفرن قبل مروور الساعه والا هبطت كيكتك

اهم شي ان النتيجه مضمونه (كيكه منتفشه طريه بدون فجوات ولا فراغات)

وتقديرين اتفننين بالنكهات
اذا تبينها بالهيل والزعفران حطي عليها(على نفس هذي المقادير هيل وزعفران)بس احذفي الكاكاو
واذا تبينها بالبرتقال احذفي الحليب(الكاوب والنصف) من المقادير واستبدليها بعصير البرتقال+بشر برتقاله
واذا تبينها بالليمون احذفي الحليب (الكوب والنصف)من المقاديروحطي بداله عصير ليمون+بشر ليمونه
واذا تبينها كلها شوكليت(كاكاو) حطي معاها 3 ملاعق كاكاو بودره
واذا تبينها بنكه القهوه حطي معاها 2 ملعقه قهوه (نسكافيه + ملعقه كاكاو)