ارجوكم حد يريحنى

بصى يا اخت رووم حولى تشغلى نفسك باى حاجة لان العقل الفارغ معمل للشيطان
ويسوع معاكى ويحميكى صلوات العدرا والقدسين تكون معاكى
ربنا يباركك

ربنا يساعدك
بس انا مش فاهمة حاجة انت خايفة من الحساب ولا من الموت
ولكن لو خايفة من الحساب يبقى السبب ممكن يكون من خطايا او خطية معينة مش عارفة تتخلصى منها
وخايفة تتحسبى عليها ويبقى سعتها لازم تقاومى وتتطلبى المعونة من ربنا
اما لو خايفة من الموت وعلى فكرة النقطة دى بتتعب كتير لما بيفكروا فيها وكنت منهم
بس فكرت فيها كالاتى:
ينفع تكونى بتحبى حد ومش عيزة تشوفيه او خايفة تروحيله لو كده يبقى انا لسة محبتش ربنا بجد
2-لو اتاملتى قول بولس الرسول"لى اشتهاء ان انطلق واكون مع المسيح ذلك افضل جدا" وهو مهما كان انسان كيف تكون شهوة قلبه ان"يموت" ولكنه راه انطلاق وراى فيه لذة
اطلبى من ربنا ان يملا قلبك بحبه بحقيقى و تذوقى جمال العشرة مع المسيح ساعة القداس والمناولة اللى انت مداومة عليها ومتخلهاش مجرد حاجة روتينية
طالما القداس جميل كده تبقى العيشة معاه ازاى وربنا اكيدحاسس بمشاعرك الجميلة دية ان بنته بتندهله وعايزة ترجعله
ومتخافيش دى لحظة ضعف وهتعدى اعملى وقفة مع نفسك وربنا يكمل
صلى لاجلى

بصى اى حد يقول انة مش خايف من نهايتة وحسابة يبقى بيضحك على نفسة حتى المذاكر بيبئى خايف الامتحان يجى صعب لكن متفكريش فى الامتحان والنتيجة دلوقتى اقصد متفكريش فى الموت والحساب لانهم هيتعبوكى فكرى بس فى ربنا وحبة الكبير وازاى ترضية وتحبية زى ماحبك وخلقك واتعذب عشانك ومتخليش الدنيا تخدك منة ولو لحظة كل لحظة فكرى فية وازاى هو حاميكى بجد من حاجات كتير ومديكى نعم كتير وكلمية كتير لان بجد اى حاجة فى حياتك ملتستهلش اهتمامك لانة وقتية هو بس الى دائم وبيحبك اوى اوى اوى.........
وان بطب صلوت بجد من باقى الاعضاء لان دة شيطان فكر كبير وتيما بيلعب اللعبة دية وينجح فيها مع ناس كتير انة يشغلنا عن المسيح نفسة ويشغلنى بالاخرة وازاى هاتكون وربنا فعلا هيعزبنا ......الخ ربنا ما يسمح بها لحد

بصى يارروم انتى ممكن تستغلى الوقت اللى انتى تجلسى
فيه لوحدك او مع نفسك فى قراءة الكتاب المقدس وده اهم حاجة
بحيث تحولى متفكريش فى الموت
بصى بعد لما تصلى اقرائى الكتاب المقدس وشوفى
رد ربنا اكيد هو هايساعدك وربنا يكون معاكى

شكرا يا حبيبتي روم لانك فتحتي قلبك لاخواتك بلمنتدى انا هرد عليكي شوفي حبيبتي كل انسان مؤمن بيسوع المسيح هيشوف ويشعر بللي بيسير معاكي لان عدو الخير ما بيسيبش حد مرتاح هو هيحاربك من داخلك او من الخارج وهنا بيظهر ايمان المسيحي بيسوع المسيح انا المهم ما تخافيش ولا تيأسي ولا تفقدي ايمانك بربنا يسوع هو بيحبك وعارفك انك هتغلبي الشرير ما دمت بتتناولي جسد الرب وانت خادمة بلكنيسة  زيدي صلاتك لامنا القديسة مريم واشغلي نفسك  بأي حاجة انتي  اشكري ربنا على كل حاجة ده اللي بيسير معاكي كلنا منمر بيه وصلي النؤمن باله واحد صليها  7مرات وصلي الابانا ةالسلام كمان 7 مرات وبهذا الرقم والصلوات بيهرب منك عدو الخير ربنا معاكي حبيبتي وربنا يحميكي 

سلام ومحبه ربنا يسوع المسيح تكون معكى يا اختى رووم
ردود كتير حلوه ردو بيها الاخوه الاعضاء عليكى
بس انا كنت عايز اضيف حاجه ممكن تساعدك هى
انتى بتقولى انى اب اعترافك مش فاهمك
ممكن لو تقدرى تغيرى اب اعترافك يكون احسن ليكى وهو مش حرام
لانى احس شخص يرشدك ويدلك على الطريق الصحيح الذى يجب ان
تسلكيه هو اب اعترافك
وربنا يكون معاكى