roma
مشرفة قسم مدينة الاحباء
عدد المساهمات : 1858
العمر : 33
العمل/الترفيه : الرسم
المزاج : فرحانة
الشفيع : البابا كيرلس
الوظيفة : طالبة
السٌّمعَة : 40
نقاط : 24697
تاريخ التسجيل : 07/02/2009
 | | موضوع: تحب تخلي ذاكرتك دي طوع إرادتك؟ الإثنين أكتوبر 05, 2009 11:52 am | |
|
+
+++++
+
+
+
كل سنه وانتم بخير بمناسبة العام الدراسي الجديد ربنا يبارك حياتك
ويقويكم وتكون سنه سعيدة علينا كلنا
ونكون ولاد المسيح
وننجح ونتفوق
ونرفع اسمه
++++++++++++++++++++++++++++++++++++++++++++++++
بمناسبة السنه الجديدة
تحب تخلي ذاكرتك دي طوع إرادتك؟
++++++++++++++++
طبعا الكلمة دي بتعمل عندنا قلق والبيت كله بيعلن حالة الطوارئ القصوى.. خصوصا لو كان في البيت واحد في الثانوية العامة.. مش كده؟
النهارده هاقول لك أفكار رائعة هتساعدك وإنت بتذاكر
الأفكار دي هتساعدك تعرف أفضل الطرق للمذاكرة وتثبيت المعلومات..
+++++++++++++++++++++++++++++++++++++++
أنواع الذاكرة
+++++++++++++++++++
عشان نعرف نذاكر لازم نعرف الأول الذاكرة بتاعتنا بتشتغل ازاي.. وعن طريق معرفتنا دي ممكن نستخدمها أفضل استخدام..
الذاكرة أيها السادة نوعان.. ذاكرة قصيرة الأمد، وأخرى طويلة الأمد
+++++++++++++++++++++++++++++++++++++++++++.
1- الذاكرة قصيرة الأمد..
النوع ده من الذاكرة هو اللي متخزن فيه المعلومات العابرة خلال اليوم..
فطرت إيه النهارده؟
عملت إيه امبارح؟
المعلومات دي بتبقى معانا لفترة قصيرة وبعدين ممكن تنساها... لو سألتك الأسئلة دي بعد سنتين.. ممكن ماتبقاش فاكر إنت فطرت إيه من سنتين!
الذاكرة قصيرة الأمد بتتخزن بسرعة عن طريق العقل اللاواعي..
والذاكرة قصيرة الأمد دي سعتها 7 زائد أو ناقص معلومتين في المرة الواحدة..
عايز تعرف ازاي؟
يبقى العب معايا اللعبة دي:
احفظ الرقم اللي هيظهر قدامك ده:
123313414515
ماعرفتش تحفظه؟ عادى....
الرقم اللي قريناه من شوية ده.. ماعرفناش نحفظه بسرعة عشان زي ما قلت لك.. الذاكرة قصيرة الأمد بتشيل بس 7 معلومات زائد أو ناقص اتنين (من 5 إلى 9 معلومات في المرة)..
فالرقم اللي شفناه ده مكون من 12 رقما.. يعني 12 معلومة.. عشان كده صعب على الذاكرة قصيرة الأمد إنها تشيله..
يبقى إيه الحل؟
عشان تحط الرقم ده بسهولة في الذاكرة قصيرة الأمد.. ممكن تلعب لعبة جامدة جدا.. ممكن بدل ما تخليه 12 معلومة.. تخليه 4 معلومات بس!
عارف ازاي؟
بص على نفس الرقم لما كتبناه بأسلوب تاني:
123
313
414
515
سهل يتحفظ كده.. صح؟
كل اللي عملناه إننا قسمنا الرقم بشكل تاني.. بحيث نحفظ كل شوية مع بعض (مش رقم رقم زي الأول.. الرقم الطويل بقى 4 معلومات بس.. فبقى أسهل!
قاعدة مهمة:
عشان تعرف تحفظ.. قسم المعلومات الكبيرة بطريقة سهلة الحفظ..
واربط بين المعلومات وبعضها عشان تحفظها أسهل..
2- الذاكرة طويلة الأمد..
دي الذاكرة اللي بتشيل المعلومات المهمة جدا اللي من الصعب جدا إنها تتنسي..
اسمك إيه؟
رقم تليفونك كام؟
وكده يعني..
والذاكرة دي عشان تتكون لازم تقوم بشوية مجهود في الأول.. بعد كده هتثبت بطريقة رائعة..
وهي دي المذاكرة بقى..
يعني إيه مذاكرة؟
المذاكرة دي ببساطة هي إنك تنقل المعلومات من الذاكرة قصيرة الأمد، للذاكرة طويلة الأمد.. عشان كده لما حد يقول لك: عايزك تحفظ الدرس ده زي اسمك، يبقى كأنه بيقول لك: عايزك تحفظ الدرس ده بالذاكرة طويلة الأمد!
لكن لو ذاكرت درس ونسيته تاني يوم.. تبقى بتستخدم الذاكرة قصيرة الأمد بس.
++++++++++++++++++++++++++++++++++++++++++++++
ازاي ننقل المعلومات للذاكرة طويلة الأمد؟
++++++++++++++++++++++++++
عشان ننقل المعلومات للذاكرة طويلة الأمد لازم نقوم ببعض المجهود زي ما قلنا.. لكن النتيجة بتكون رائعة..
1-التكرار:
هيخلّي عقلك يتعامل مع المعلومة باهتمام لأنها بتتكرر.. تبقى مهمة بالنسبة لك..
2-استخدام مراكز المخ المختلفة:
الطريقة دي مؤثرة وفعالة جدا..
- إنت بتذاكر بعينك: يعني مراكز الإبصار في المخ اشتغلت على المعلومة دي..
- اكتب وإنت بتذاكر: هيخلي مراكز المخ المخصصة بعملية الكتابة تشتغل على المعلومة دي..
- سمّع اللي ذاكرته: نشطت مراكز الذاكرة ومركز الكلام اشتغل برضه على نفس المعلومة لو كنت
بتسمّع بصوت..
بالطريقة دي المعلومة تغلغلت جواك بأكتر من طريقة.. يبقى ألف مبروك!
3-الحالة الذهنية:
وإنت بتذاكر المعلومة حط في دماغك إنك بتذاكرها عشان تفضل على طول وتفيدك طول حياتك.. لو ذاكرتها على اعتبار إنها معلومة مؤقتة عايزها للامتحان بس, عقلك هيتعامل معاها على إنها معلومة تافهة ويحطها في الذاكرة قصيرة الأمد زي ما إنت طلبت منه!
تخيل إنك بتحفظ المعلومات دي لأنك هتحتاجها بعد سنين طويلة.. تخيل كده مش هتخسر حاجة.. وهتندهش من النتيجة الرائعة اللي هتتحقق..
بالطرق دي هتلاقي إن اللي حفظته ده هينتقل للذاكرة طويلة الأمد وهتلاقي نفسك حققت النتيجة اللي إنت عايزها..
+++++++++++++++++++++++++++++++++++++++
وكان الرب مع يوسف فكان رجلاً ناجحاً
وربنا معاكم كلكم ومن تفوق لتفوق يارب
| |
|
الانسانه الضاله
عضوا زهبى
عدد المساهمات : 705
العمر : 32
العمل/الترفيه : الانشطه الكناسيه
المزاج : نشكر ربنا تمام
الشفيع : العذراء والبابا كيرلس
الوظيفة : طالبه
السٌّمعَة : 5
نقاط : 23237
تاريخ التسجيل : 03/02/2009
| | موضوع: رد: تحب تخلي ذاكرتك دي طوع إرادتك؟ الإثنين أكتوبر 05, 2009 1:02 pm | |
| بجد ميرسى ليك يا روما مشعرفه اقول لكى ايه ربنا يعوضك ويبارك خدمتك يا احلى روما موضوع رائع جدااااااااااااااااااااااااااااااااااااا | |
|
roma
مشرفة قسم مدينة الاحباء
عدد المساهمات : 1858
العمر : 33
العمل/الترفيه : الرسم
المزاج : فرحانة
الشفيع : البابا كيرلس
الوظيفة : طالبة
السٌّمعَة : 40
نقاط : 24697
تاريخ التسجيل : 07/02/2009
| | موضوع: رد: تحب تخلي ذاكرتك دي طوع إرادتك؟ الثلاثاء أكتوبر 06, 2009 12:27 am | |
| ميرسي يا كوكي ربنا يبارك حياتك ويعوضك وكل سنه وانتي طيبه  | |
|
الابن الضال
مدير ادارة المنتدى
عدد المساهمات : 1255
العمر : 41
العمل/الترفيه : م/دش وكمبيوتر
المزاج : نفسى اشوف يسوع
الشفيع : البابا كيرلس
الوظيفة : م/ دش وكمبيوتر
الديانة : مسيحيى جداااااااااااااااااااااا
السٌّمعَة : 37
نقاط : 24437
تاريخ التسجيل : 07/10/2008
| | موضوع: رد: تحب تخلي ذاكرتك دي طوع إرادتك؟ الأحد أكتوبر 11, 2009 6:56 am | |
| موضوع جميل ربنا يبارك خدمتيك | |
|
roma
مشرفة قسم مدينة الاحباء
عدد المساهمات : 1858
العمر : 33
العمل/الترفيه : الرسم
المزاج : فرحانة
الشفيع : البابا كيرلس
الوظيفة : طالبة
السٌّمعَة : 40
نقاط : 24697
تاريخ التسجيل : 07/02/2009
| | موضوع: رد: تحب تخلي ذاكرتك دي طوع إرادتك؟ الأحد أكتوبر 11, 2009 9:10 am | |
| ميرسي ربنا يعوضك | |
|
mena
عضوا زهبى
عدد المساهمات : 435
العمر : 33
العمل/الترفيه : طالب
المزاج : زى العسل
الشفيع : العذراء و البابا كيرلس
الوظيفة : طالب جامعى
الديانة : مسيحى
السٌّمعَة : 4
نقاط : 22053
تاريخ التسجيل : 29/08/2009
| | موضوع: رد: تحب تخلي ذاكرتك دي طوع إرادتك؟ السبت أكتوبر 31, 2009 4:09 pm | |
| معلومات جامدة يا روما
حاجة حلوة قووووووووى
ربنا يبارك حياتك | |
|
roma
مشرفة قسم مدينة الاحباء
عدد المساهمات : 1858
العمر : 33
العمل/الترفيه : الرسم
المزاج : فرحانة
الشفيع : البابا كيرلس
الوظيفة : طالبة
السٌّمعَة : 40
نقاط : 24697
تاريخ التسجيل : 07/02/2009
| | موضوع: رد: تحب تخلي ذاكرتك دي طوع إرادتك؟ السبت أكتوبر 31, 2009 4:12 pm | |
| ميرسي ربنا يعوضك كتير ويبارك حياتك  | |
|
