صلاة الرجوع الي الله- بالموسيقي-القس أندرو

يا يسوع يا يسوع

نفسى احكيلك على اللى جوايا
نفسى ابكى نفسى اصرخ نفسى اشكى نفسى اقول بصوت عالى غيرنى يا يسوع
انقذنى انفذنى من العالم انقذنى من نفسى انفذنى من شهواتى
نفسى اكون ابن حقيقى ليك والناس تشاور عليا ويقولوا هو ده ابن المسيح
نفسى اكون شبهك نفسى اكون خليقه جديده نفسى اخلع الانسان العتيق والبس الانسان الجديد
نفسى اكون واحد تانى الايام بتمر وانا لسا زى ما انا
ومش عارف ايه المصير هيكون مش عارف انا ماشى فى السكه ولا ضليت نفسى اطلع فى مكان عالى وارفع ايديا ليك
واصرخ بصوت يهز السما واقول انقذنى غيرنى طهرنى ساعدنى خد بايدى
ماليش غيرك هروح لمين تانى ادور على الحياه وانت رئيس الحياه وصخر الدهور ايه الحل يارب
ايه الحل مد ايدك والمسنى ارجوك امسنى ارجوك غير قلبى وادينى قلب جديد
انا هصرخ وهقولك مع المولود اعمى
يابن دواد ارحمنى يابن دواد ارحمنى يابن دواد ارحمنى
ايه الفايده من حياتى لو انا بعيد عنك
دى الحياه من غيرك مش حياه دى الحياه من غيرك اسمها موت
ده كل العالم اللى قدامى سراب وبخار مسيره هيختفى
كله اوهام وباطل وكدب لكن انت يارب الحقيقه وانت الحق انت يارب الكل فى الكل
وضابط الكل ايه اللى هستفاده لما اعيش بعيد عنك ايه اللى هستفاده لما اشبع من شهوات العالم الفانيه
ايه اللى هستفاده لما اسيب ايدك وامسك فى ايد ابليس
يارب يارب ارجوك انتشلنى من اللى انا فيه ارجوك يارب سعدنى واسندنى انا تعبان
ومحتاج ارتاح على صدرك الحنين انت قولت تعالوا الى يا جميع المتعبين والثقيل الاحمال وانا اريحكم
انا عايز ارتاح على صدرك وعايز القى عليك كل حمولى واتعابى عايز احكى معاك
عايز اقولك ان انا عطشان وجيلك تروينى لانك انت ينبوع الماء الحى
يمكن اكون حفرت لنفسى ابار كتير لا طبق ماء لكن انا جيلك دلوقتى
وبقولك اروينى من نبعك الصافى اروينى بحنانك وحبك اشفينى وضمض جراحى
ايها الطبيب الحقيقى استدنى فاخلص تطلع من السماء وانظر لوجه ابنك
اللى نقشته على كفك انا بعترف قدامك ان لست مستحقأ ان ادعى لك ابنا
بل اجعلنى كاحد اجرائك انا بعترف قدامك ان شوهت صورتك قدام الناس وقدام العالم
انا بعترف ان خلفتك وكسرت وصاياك اللى قولت عنها وصاياى التى ان فعلها احد يحيا بها
وانا رفض الحياه انا بعترف ان حبيت الخطيه اكتر منك
حبيت العالم ومجده الباطل اكتر منك حبيت نفسى وذاتى اكتر منك
وانا جى دلوقتى وبسجد عند قدميك قدميك اللتين اعتقتاين من طريق الضلاله
واغسلهم بدموعى زى المرأه الخاطيه واقولك
سامحنى سامحنى سامحنى عن كل الزمن اللى ضاع بعيد عنك
سامحنى على كل السنين اللى اكلها الجراد
ومن اليوم هكون خليقه جديده فى المسيح يسوع من اليوم هكون ابن حقيقى ليك
ابن لملك الملوك ورب الارباب من اليوم هكون شمعه مضيئه تنير لظلمه العالم
امـــــــــــــــــــــيــــــــــــــــــن

و دي الصلاة مسموعة بصوت ابونا القس اندرو
للتحميل من هذا اللينك
http://www.2shared.com/file/6424459/25a96801/___-_-_.html?

جميلة جدا جدا يا روما ومؤثرة وان بحب الاية : تعالوا الى يا جميع المتعبين وثقيل الاحمال وانا اريحكم
اية جميلة وتريح فى اوقات الضيق ربنا يعوضك ويبارك خدميتك

صلاة جميلة خلص يا روما

» صلاة الخاطئ
» صلاة عيد الميلاد
» الله يظهر عجائبه فى حبة الزيتون كلمة الله على الزيتونة
» طلب صلاة
» صلاة .......................