يارب انا خايف

موضوع: يارب انا خايف الجمعة يوليو 10, 2009 2:28 am

حبيبي : ليه تخاف أنا معاك صدقني
يا رب : أنا خايف من نفسي .. من الناس .. من بكره .. من الفشل .. من كل حاجه
يا أبني : أنا معك انهارده وبكره ووسط الناس ومن غير الناس وحتى في الفشل مش هاسيبك
يا رب : أنا مش نافع في حاجه حتى كلامك ماعدش بيأثر فيا
حبيبي : أنا برضه معك حتى لو أنت مش حاسس بيا أو مش فاهم أو مش شايف لأني بحبك
يا رب : بتحبني على أيه مافيش فيا حاجه صح كله غلط
يا أبني : أنا بحبك لأنك أبني أنا عارف أنك ضعيف وتعبان وأنا بتاع التعبانين .... أنا بتاع الضعفاء صدقني حلك عندي
يا رب : أنا مش قادر أصلي ... مش عارف ... مش عاوز أنا مش نافع في حاجه
حبيبي : كفايه أنك لسه بتفكر فيا عاوزني .. بتطلبني حتى في قلبك .. أنا عارف اللي في قلبك
يا رب : مش شايف حاجه بتتغير من سئ لأسوء .. كله ظلمه .. كله غلط
يا حبيبي : أنت مش شايف حاجه من الحزن والكأبه .. أنت مش شايف أني بحبك .. ومش شايف أني أقدر على كل حاجه أنا عارف بعمل أيه أنت بس مستعجل شويتين
يا رب : أنت كمان بالك طويل أوي وأنا تعبان
يا أبني : كل حاجه ليها وقتها صدقني وكله في الأخر ليك مش عليك بس ماتيأسش
يا رب : يعني لسه في أمل ؟
يا حبيبي : الأمل عمره ما يروح بس ماتنساش صليبك وأبديتك وحاول تاني وأنا معك
....... يسوع بيحبك

امين يارب طمننى

ربنا معاكي ويطمنه كلنا متخافيش

ميرسي علي ردك ربنا يعوضك

كلام جميل جدااااااااااااااااااااا
وموضوع اكثر من رائع
ربنا يبارك حياتيك
وياااااااارب ياريت يكون فى مناقشة كده مع ربنا وتكون من القلب
واكيد ربنا مش بيسيب حد من ولاده فى كل الاوقات

اكيييييييييييييييد طبعاااااااااااااا
ربنا موجود وعمرة مسبنا
ربنا يعوض ميرسي كتير

» يارب لقد وعدتنى!!!
» أطلب طول أناتك يارب
» تكلم يارب
» أنين لا يسمعه غيرك يارب
» الهروب(يارب الى من أذهب؟)