مرة كان فى 3شجرات مستنين النجار

مرة كان فى 3شجرات مستنين النجار
الى جاى بكرة علشان ياخدهم ويصنع منهم حاجات مفيدة
اول شجرة كان نفسها تبقى صندوق
صندوق فخم اوى للمجوهرات واغلى الاحجار
التانية كان نفسها تبقى مركب عظيم
مركب للملوك والاغنياء يسافر كل مكان
والتالتة كانت نفسها تبقى كرسى مفيش زية
كرسى عظيم يليق بملك عظيم
كلها احلام جميلة تقريبا كانت اقصى احلامهم
لكن تانى يوم جة النجار
عمل من اول شجرة صندوق بس مش للمجوهرات
صندوق للتبن واكل الحيوانات
والتانية عمل منها مركب بسييييييط يشيل فرد واحد يدوب
لو بعد شوية يغرق
والاخيرة معرفش يعمل بيها اية قام قطعها ورماها فى مكان جنبة
طبعا انتوا شايفين ان الحكاية كدة خلاص
الاحلام ادمرت وراحت والامل ضاع
لكن ربنا قالهم (انا لسة مخلصتش شغلى
بعد فترة بقى صندوق التبن مذود لاهم الملوك واغظمهم
بقى مذود المسيح الى اعظم من كل المجوهرات
وكبر المسيح وراح اصطاد مع بطرس فى مركب صغيرة
مركب انتوا عارفينها بقت مركب مش لملك مكان معين
بل لملك الارض كلها
واليهود كرهوا المسيح وراحوا يجيبوا خشب للصليب
لقوا خشبتين مرميين جنب النجار
خشبتين كان نفسهم يبقوا كرسى لواحد غنى
بقم كرسى لخالق الارض كلها
كتير اوى بنحس ان احلامنا ضاعت
لكن ربنا دايما يقول لما اخلص شغلى هتشوف ان احلامك ولا حاجة جنب الى انا رسموا ليك فى دماغى
يا ريت نحس ان ربنا بيختار لنا احسن مما كنا نتصور او نحلم

كتير موضوع رائع يا روما "جعلت الرب امامى فى كل شىء لانه عن يمينى فلا اتزعزع " ربنا على طول معنا بس الضعف البشرى والظروف وشوشو عدو كل شىء لازم نعرف ان ربنا معنا لا يتركنا ولا يهملنى مهما ضاقت الدنيا واتقفلت الابواب ربنا فاتح ليك اعظم الابواب ا

ميرسي علي مرورك الجميل
ربنا بجد جميل وكل اختياراته لينا اجميله

خطه عظيمه مدبر لها لى رحلته عمرى انت رسمها لى
ميرسى ليكى كتير ياروما على القصه الحلوه ديه
وفعلا لازم كلنا نعرف ان كل الاشياء مهما كانت تعمل معا للخير للذين يحبون الله
فالايه صريحه فهو قال كل وكان من الممكن ان يقول بعض او جزء

ميرسي يا كوكي علي مرورك الجميل
ربنا يعوضك

المر الذى تختاره لى احلى من الشهد الذى اختاره لنفسى
بجد قصة جميلة اوى يا روما ربنا يبارك حياتك Wink

ميرسي علي مرورك الجميل يا مرمر
Embarassed

ربنا يعوضك